Back Organización territorial d'Israel AST Административно деление на Израел Bulgarian Organització territorial d'Israel Catalan Administrativní dělení Izraele Czech Verwaltungsgliederung Israels German Organización territorial de Israel Spanish Organización territorial de Israel Galician Իսրայելի վարչական բաժանում Armenian イスラエルの行政区画 Japanese Израильдің әкімшілік бөлінісі Kazakh
Israelen banaketa administratiboa nagusiki 6 barrutiz osatua dago (hebreeraz mehozot, sing. mahoz), eta 15 azpibarrutiz (hebreeraz nafot, sing. nafa). Azpibarruti bakoitza eskualde naturaletan banatzen da, 50 guztira.
Israelen kasua oso berezia da, honek indarkeriaz hainbat lurralderen anexioa egin eta kolonoekin okupatu zituelako. Bereganatutako lurraldeen artean Siriako Golango Gainak eta Palestinako hainbat lurralde daude. Izan ere, Israelek beretzat jotzen ditu nahiz eta NBEk lurralde horiek ez dituen Israelgotzat ezagutzen.
Golan Azpibarrutia, lau eskualde natural dituena, kopuru horren barne dago nahiz eta Nazio Batuen Erakundeak ez duen Israelgo eskualdetzat ezagutzen. Jerusalem Barrutiak Ekialdeko Jerusalem hartzen du bere baitan. Israelek Ekialdeko Jerusalem anexatu izanak liskarrak eragiten ditu. Hala ere, Judea eta Samaria Eremua ez da kontuan hartu Israelek ez dituelako bere eskumen guztiak hor ezarri.
| Barrutia | Hiriburua | Azalera | Biztanleria |
|---|---|---|---|
| Erdialdeko barrutia | Ramla | 1.293 km² | 1.613.700 (2005) |
| Haifa barrutia | Haifa | 864 km² | 858.000 (2007) |
| Hegoaldeko barrutia | Beersheva | 14.231 km² | 1.002.400 (2005) |
| Iparraldeko barrutia | Nazaret | 3.484(*) km² | 1.216.800 (2007) |
| Jerusalem barrutia | Jerusalem | 652 km² | 851.400 (2006) |
| Judea eta Samaria Eremua | Ariel | ? km² | 280.000 (2005) |
| Tel Aviv barrutia | Tel Aviv-Yafo | 176 km² | 1.221.600 (2008) |
(*)3.484 km² Golango Gainak kontuan hartu gabe, bestela 4.478 km².